Silap pissusianut aningaasaliissutit

Silap pissusianut aningaasaliissutinik qinnuteqarit
Innuttaasut, suliffeqarfiit, pisortat sullissivii, peqatigiiffiit, kommunit allallu suliniutinut tapiiffigineqarnissamut qinnuteqarsinnaapput, siunertarineqarpat:

  • Silap allanngornerata pinngortitamut inuiaqatigiinnullu kinguneqartitsinera pillugu ilisimasat annertusineqarnissaat.
  • Silap allannguutaanut naleqqussaanissamut periusissanik ineriartortitsinissaq.
  • Silap pissusiata allanngoriartorneranut naleqqussarnissami pilersaarutitut aallarniutaasussanik aallartitsinissaq.
  • Paasissutissaliornissaq aamma paasisitsiniaanissaq kiisalu susassaqarfigisatigut ilisimasanik avitseqatigiinnissaq.

Aningaasaliissutit Pinngortitamut, Avatangiisinullu Naalakkersuisoqarfimmit aqunneqassapput.  2020-imi naalakkersuisoqarfik katillugit 400.000 kr.-inik agguaassissaaq.

Qinnuteqartumut piumasaqaat

  • Suliniut Kalaallit Nunaanni tunngaveqartinneqassaaq.
  • Suliniummut aningaasartuutit minnerpaamik 30 procentii pissarsiffiusinnaasunit nammineq aningaasaliinermit imaluunniit allaniit pissarsiarineqassapput.
    Akissarsiassanut aningaasartuutit nammineq aningaasaliinermeersinnaapput.
  • Suliniuteqarnermi angusat misilittakkallu allanut ingerlatinneqassapput taamaalilluni allat aamma taakku iluaqutigisinnaaniassammatigit.

Silap pissusianut aningaasaliissutit pillugit najoqqutassianut tamanut allagaq uppernarsaat uani nassaarineqarsinnaavoq.

Suliassaq aningaasaliissutinut siunertarineqartut iluanniinnersoq, aammalu aningaasaliinissamut piumasaqaatit naammassineqarsimanersut kiisalu qinnuteqartup Kalaallit Nunaannut atassuteqarnera, qinnuteqaatit tiguneqarsimasut nalilersorneranni Pinngortitamut, Avatangiisinullu Naalakkersuisoqarfimmit immikkut pingaartinneqassapput. Assersuutigalugu qinnuteqaatit aningaasaliissutit ataatsimut katillugu annertussusaannit amerlanerusimappata, qinnuteqartut Kalaallit Nunaanni najugaqartut salliutinneqassapput.

Piffissaliussaq
2020-imut qinnuteqaatit kingusinnerpaamik ulloq februarip 21-ni 2020 Pinngortitamut Avatangiisinullu Naalakkersuisoqarfianit tiguneqassapput.  Silap pissusianut aningaasaliissutit pillugit qinnuteqarfissiaq uaniittoq atorneqassaaq.

Pilersaarusiap naammassinerani aningaasaliissutigineqartussat tunniunneqassapput nalunaarusiamik, naatsorsuummik tassanngalu ilanngussat ilanngunneqassapput Pinngortitamut Avatangiisinullu Naalakkersuisoqarfimmit akuerineqarluni. Nalunaarusiornermi immersugassaq atorneqassaaq ilanngussassallu tassunga attuumassuteqartut ilanngunneqassallutik 1. november 2020 nallertinnagulu naalakkersuisoqarfimmut ingerlateqqinneqassalluni.

Amerlanerusunik paasisaqarniaruit attavigiuk pan@nanoq.gl.

 

 

Deltag også i debatten her

#climategreenland