Innuttaasunut
Climategreenland tassaavoq Namminersorlutik Oqartussat silap pissusiata allanngoriartorneri pillugit nittartagaa. Nittartakkami inuit, kattuffiit paasissutissalluunniit amigaatigisatit nassaarisinnaavatit. Taassuma saniatigut Kalaallit Nunaat sutigut silap pissusiata allanngoriartorneranik sunnerneqarnersoq takusinnaavat qanorlu tamanna iliuuseqarfigineqarnersoq.
Innuttaasut nittartagaanni paasissutissanik iluaqutaasinnaasunik ilaatigut nassaarsinnaavutit, soorlu innuttaasutut qanoq gassinik silaannarmik kissarnerulersitsisartunik aniatitsinermik killiliisinnaanerlutit, silap pissusiata allanngoriartorneranut qanoq naleqqussarsinnaanerlutit kiisalu najukkanni siunissami silap pissusiata qanoq ikkumaarneranik paasisimasaqalerlutit.
