Silap pissusiata allanngoriartorneri

Nunarsuup silaannaa kissakkiartuleruttorpoq, nunarsuarmilu Kalaallit Nunaat kissakkiartorneranik takussutissiisut annersaasa ilagissavaat. Kisianni Kalaallit Nunaata silaannaanut tamanna qanoq isumaqassava?

Tassunga apeqqummut nutaamik sukumiinerusumillu akissutitut Danmarkip (Kalaallit Nunaatalu) silasiornermut institutsia (DMI) silap pissusia tunngavigalugu ilusilersukkamik sanasimavoq. Tassanilu silap pissusianik naleqqersuutit 66-iusut ineriartortinneqarput. Naleqqersuutini taakkunani nunatta kommuunini tamani 5 x 5 km-ikkuutaartuni silap pissusii aalajangersimasut nassuiarneqarput.

Silap pissusianut naleqqersuutit 66-it tamarmik DMI-p nittartagaani takuneqarsinnaapput. Siunissami Kalaallit Nunaanni silap pissusiata allanngornissaanut quppersagaq aamma Nunap ilaanut, Qaasuitsup, Qeqqata Kujalliullu kommuniani, Sermersuup kommuniata kitaatungaani, Sermersuup kommuniata kangiatungaani kiisalu nuna eqqissisimatitami silap pissusianut nalunaarusiaq nittartakkami nassaarineqarsinnaapput.

Siunissami silap pissusianut naleqqersuutit attuumassutillit NunaGIS-imiilernissaat naatsorsuutigineqarpoq – qarasaasiakkut atortoq ilaatigut teknikerinit inuiaqatigiinni pilersaarusiornermi ineriartortitsinermullu atorneqartartoq.

Qeqqata

Sermersooq Kitaa

Sermersooq Kangia

Kujalleq

Qaasiutsup

Nuna allanngutsaaliugaq

Silap pissusianut nalileeriaaseq

Oqallinnermut peqataagit

#climategreenland