Tusagassiortunut

Climategreenland Namminersorlutik Oqartussat Kalaallit Nunaanni silap pissusiata allannguutai pillugit nittartagaraa. Nittartagaq iserfissatut, inunnut, suleqatigiiffinnut paasissutissanulluunniit ujakkannut ikiuutaasinnaasutut eqqarsaatigineqarpoq. Tamatuma saniatigut suliassaqarfiit, Kalaallit Nunaata silap pissusiata allanngornerinit eqqorneqarfigisaannut, taakkulu qanoq iliorluni aaqqiiffigineqarnerinut takussutissiisussaavoq.

Nittartakkami paasissutissanik assigiinngitsunik nassaarsinnaavutit assersuutigalugu Namminersorlutik Oqartussat silap pissusaata allanngoriartorneranut suliaat, Kalaallit Nunaanni aniatitsinermut tunngasut, annikillisitsiniarluni suliniutit aammalu silap pissusaanut naleqqussarneq. Aammattaaq paasissutissat Kalaallit Nunaata Nunani tamalaani pisussaaffiinut tunngasut allallu paasissutissat nassaassaallutik.

Apeqqutissaqaruit, nittartakkami akineqanngitsunik, e-mailimik nassiussisinnaavutit.

Apeqqutit nunat tamalaani silap pissusaanut tunngasut, tamatumani silap pissusaa pillugu nunat tamalaat isumaqatigiinniarneranut Nunanut Allanut Pisortaqarfimmut saaffiginnissaatit (nap@nanoq.gl), silaannaallu kissatsikkiartorneranut tunngasunut uunga saaffiginnissaatit Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik (isiin@nanoq.gl) aammalu silap pissusaanut naleqqussarnermut silallu pissusaata allanngoriartorneranut tunngassuteqartunut uunga saaffiginnissaatit Pinngortitamut Avatangiisinullu Naalakkersuisoqarfik (pan@nanoq.gl).

Oqallinnermut peqataagit

#climategreenland