Immap qaffakkiartorneri

Silap allanngoriartornerata kinguneranik nunarsuarmi immat qaffakkiartorput. Ukiuni kingullerni issittup aakkiartorneranit immat qaffannerat ilimagisamit annerujussuusoq paasineqarpoq. Immap qaffakkiartornerata affaata missaa Issittumi sermersuit nunattalu sermersuata aakkiartornerisa kingunerinik patsiseqarnissaa ilimagineqarpoq, taamaalillunilu immat qaffakkiartornerinut peqqutaaqataanerpaat ilagalugit.

Sermersuup, sermit iigartartut immallu eqqaanniittut imminnut qanoq sunnertarnerat paasiniarlugu ilisimatusarnerunissaq pisariaqarpoq, taamaaliornikkut siunissami immat qanoq qaffatsiginissaat eqqoriarneqarsinnaaneruniassammat.

Sermersuup, immap sermillu iigartartut akornanni pissutsinik malinnaanermut tunngasunik Silap Pissusianik Ilisimatusarfik suliaqarpoq. Ilisimatusarnerit tamakku immap qaffallunilu appattarnera kisiat misissornagu, silalli allanngoriartornerata kinguneranik kangerlunni allannguutit misissoruminaassinnaasut qanoq ittuunerinik paasisaqarfiusinnaassapput.

Oqallinnermut peqataagit

#climategreenland