Nukissiuutit ataavartut

Erngup nukinga amerlanertigut Kalaallit Nunaanni nukissiuutinut ataavartunut atasutut siullertut eqqarsaatigineqartarpoq – tamatumunngalu pissutissaqarluarpoq. Kisiannili aallartitat suliniutissallu annikinnerusut maluginiartariaqartut amerlapput.

Sisimiuni Nunani Issittuni Teknologiimik Ilisimatusarfimmi nunaqarfimmi seqernup kissaanik anorimillu nukissiuutit suliarineqarput, suliami pineqartumi Kalaallit Nunaanni nukissiuutinik ataavartunik isumalluutissat pitsaasut atorluarneqarnissaat siunertarineqarpoq. Kiisalu eqqakkat ikuallaavinnit kiassarnermut nukissiornermi ataavartumik pilersuineq katillugit 6%-iulluni.

Biilit innaallagiatortut
Nuummi biilit innaallagiatortut amerlinissaannut pissutsit pitsaasuupput. Erngup nukinganik innaallagissiorfiup nukissiaanik sinneruttumik pissarsisoqarsinnaammat, aammalu aqqusernit ataqatigiit killilimmik isorartussuseqarpata, biilit innaallagiatortut amerlisarnissaannut ajornartorsiutit akuttunngitsumik naammattoorneqartartut Nuummi qaangilertorneqarsinnaapput. Nalunaarusiaq, Biilit Innaallagiatortut Nuummi qinigassatut 2013-imeersoq, illoqarfimmi innallagiatortunik biilitaarnissamut akimmisaarfiusut nassuiaateqarfigineqarput, aammalu ajornartorsiutit taakku Kalaallit Nunaanni biilinik innaallagiatortunik siuarsaanissaq eqqarsaatigalugu qanoq iliorluni qaangerneqarsinnaaneri takutinneqarlutik. Biilit innaallagiatortut erngup nukinga atorlugu immerneqarunik CO2-mik aniatitsisuunngillat, aammalu illoqarfimmi bilit pujuinik aniatitsinermut annikillisitseqataasinnaapput, nunanillu allanit ikummatissanik isumalluuteqarnermik annikillisitsisinnaallutik.

Nuummi inuit amerlanersaat illuni quleriiaattuni ineqarput, tamannalu bilinik innaallagiatortunik immiinissamut ajornakusoortitsisinnaavoq, taamaattumillu illoqarfimmi immiiffiusinnaasunik pilersitsisoqarnissaa pisariaqarpoq. Nukissiorfiilli ajornartorsiummut atatillugu misiliutitut biilit immerfissaannik pingasunik  ikkussinnikuupput illut quleriiaattut eqqaanni, taavalu Quick charger-imik Nuuk Center-imi.

Oqallinnermut peqataagit

#climategreenland