Silap pissusianut aningaasaliissutit

Silap pissusianut aningaasaliissutit

Innuttaasut, suliffeqarfiit, pisortat sullissivii, peqatigiiffiit, kommunit allallu suliniutinut tapiiffigineqarnissamut qinnuteqarsinnaapput, siunertarineqarpat:

  • Silap allanngornerata pinngortitamut inuiaqatigiinnullu kinguneqartitsinera pillugu ilisimasat annertusineqarnissaat.
  • Silap allannguutaanut naleqqussaanissamut periusissanik ineriartortitsinissaq.
  • Silap pissusiata allanngoriartorneranut naleqqussarnissami pilersaarutitut aallarniutaasussanik aallartitsinissaq.
  • Paasissutissaliornissaq aamma paasisitsiniaanissaq kiisalu susassaqarfigisatigut ilisimasanik avitseqatigiinnissaq.

Aningaasaliissutit Pinngortitamut Avatangiisinullu Naalakkersuisoqarfimmit aqunneqassapput.  2018-imi naalakkersuisoqarfik katillugit 400.000 kr.-inik agguaassissaaq.


Qinnuteqartumut piumasaqaat

  • Suliniut Kalaallit Nunaanni tunngaveqartinneqassaaq.
  • Suliniummut aningaasartuutit minnerpaamik 30 procentii pissarsiffiusinnaasunit nammineq aningaasaliinermit imaluunniit allaniit pissarsiarineqassapput.
    Akissarsiassanut aningaasartuutit nammineq aningaasaliinermeersinnaapput.
  • Suliniuteqarnermi angusat misilittakkallu allanut ingerlatinneqassapput taamaalilluni allat aamma taakku iluaqutigisinnaaniassammatigit.

Silap pissusianut aningaasaliissutit pillugit najoqqutassianut tamanut allagaq uppernarsaat uani nassaarineqarsinnaavoq.


Piffissaliussaq

2018-imut qinnuteqaatit kingusinnerpaamik ulloq martsip 15-iani 2018 Pinngortitamut Avatangiisinullu Naalakkersuisoqarfianit tiguneqassapput.  Silap pissusianut aningaasaliissutit pillugit qinnuteqarfissiaq uaniittoq atorneqassaaq.

Kingusinnerpaamik ulloq 5. april 2018-imi qinnuteqartut tapiiffigineqarsimasut nalunaarfigineqassapput.

Pilersaarusiap naammassinerani aningaasaliissutigineqartussat tunniunneqassapput nalunaarusiamik, naatsorsuummik tassanngalu ilanngussat ilanngunneqassapput Pinngortitamut Avatangiisinullu Naalakkersuisoqarfimmit akuerineqarluni. Nalunaarusiornermi immersugassaq atorneqassaaq ilanngussassallu tassunga attuumassuteqartut ilanngunneqassallutik 1. december 2018 nallertinnagulu naalakkersuisoqarfimmut ingerlateqqinneqassalluni.

Amerlanerusunik paasisaqarniaruit attavigiuk pan@nanoq.gl.

2018-imi suliniutinut tapersiineq

  • Ilisimatusarnikkut misissuinermi suliniut “Disko Bay, region in a change”
  • Laboratoriami qeriuaannartumi kiviorarsimasut immikkoortinnissaanut atortorissaatutit. Kalaallit Nunaanni silaannaap kissatsinnerani attaveqaqatigiinnikkut ilusilersuinermut aserfallatsaaliuinermullu tapiissuteqarsinnaasoq.
  • Akunniliulluni sulissussineq eqqumiitsuliornermi suiliniummut “Green Land”. Uani takuguk.

Oqallinnermut peqataagit

#climategreenland