Naasut

Silap kiannerulernera aamma siallertarnerata nittaattarneratalu allanngornerat nunatsinni naasoqarnermut sunniuteqassapput. Orpeqarfiit killingat avannarpassaaq, nunalerinermi pissutsit pitsannguuteqassapput, aammalu siunissami aasaanerani piffissat panerfiusut amerlanerulissapput sivisunerulerlutillu. Pissutsit assigiinngitsut taaneqartut qanoq imminnut sunnissanersut uumasoqassutsinullu uumasullu siammarsimanerannut qanoq siunissami sunniuteqassanersut paasiniarlugu annertuumik ilisimatusartoqartariaqarpoq.

Pinngortitaleriffik aamma Silap Pissusianik Ilisimatusarfik Kalaallit Nunaata nunataani pinngortitap ataqatigiinneranut paasissutissanik pioreersunik katersisartuupput. Tassani isumalluutit uumassusillit, taakkulu pinngortitami pissutsit allanngorartut iluanni avatangiisii nalinginnaasut aallunneqarput. Silap pissusiata allanngornerani naasut assigiinngitsut pinngortitallu ataqatigiinneri tamakkiisut qanoq qisuariaateqassanersut paasiniarneqarpoq. Pisuni amerlasuuni uumasooqatigiit toqqakkat atugaasa qanoq sunnerneqarnissaasa paasineqarnissaa siunertarineqarpoq.

Ilisimatusarfinni Zackenberg -imi aamma Nuummi BioBasic -imik taallugu naasut assigiinngitsut arlallit misissugarineqarput, taakkunanilu naasoqatigiit assigiinngitsut ataatsikkut nakkutigineqarput. Paasissutissat katersorneqartut ilisimatusartunit tikeraartunit misissoqqitassatut atorneqarput. Ilisimatusarnermi paasiniarneqarpoq silap allanngornerata kinguneranik nunatsinni isumalluutit uumassusillit uumassuseqanngitsullu qanoq sunnerneqassanersut paasiniassallugu.

Oqallinnermut peqataagit

#climategreenland