Nunat inoqqaavisa suleqatigiinnerat

Silap pissusaa pillugu isumaqatigiissutinut atatillugu Naalakkersuisut, Danmark ikiortigalugu, nunat inoqqaavisa pisinnaatitaaffii kiisalu nunat inoqqaavisa ineriartornissamut pisinnaatitaaffii, Nunap inoqqaavisa pisinnaatitaaffii pillugit FN-ip nalunaarutaa tunngavigalugu akuerineqarnissaat sulissutigaa.

Issittumi silap pissusaata allanngoriartorneranut oqallinnermut tunngatillugu nunat inoqqaavisa suliniaqatigiiffii pingaaruteqarluinnarput kingunilimmittaaq nipeqarnissaat. Inuit Circumpolar Council (ICC)-ip issittumi nunarsuarmilu nunat inoqqaavisa suleqatigiinnerisa nukittorsarnissaat sulissutigaa, ukiullu ingerlaneranni silap pissusaata allanngornerata kinguneri qitiutissimallugit.  Nunarsuarmut atatillugu Nunat Inoqqaavisa Oqaasissaqarfiinut aamma Nunat Inoqqaavisa pisinnaatitaaffiinut Nalunaarummut Ataavartumik Oqallittarfik nunat inoqqaavisa akornanni suleqatigiinnermut nukittorsaaqataasimavoq.

ICC-ip issittumi naalakkersuisut sumiiffinni arlalinni suleqatigai, matumani kalaallit. Avatangiisimut atasinnaasumillu ineriartornermut apeqqut immikkuullarissoq peqatigiiffiup isersimaffigereerpaa, soorlu nunarsuup immikkoortuani suliassaqarfimmi Issittumi Siunnersuisoqatigiinni suleqataasut. Nunanut tamalaanut atatillugu silap pissusaa pillugu nunat tamalaat isumaqatigiissutaanni ICC nakkutilliisutut peqataasarpoq, matumanilu nunarsuup ilaani issittumi silap pissusaata allanngornerani allannguutit nassatai qanoq pinaveersaartinneqarsinnaaneranut oqallinnermut tapersiisarluni. Tamanna aamma COP21 Parisimi pivoq, tassa inaarutaasumik isumaqatigiissutip oqaasertaani nunap inoqqaavisa pisinnaatitaaffiinut inatsisinut pituttorsimasunik innersuussutit isumannaarumallugit Naalakkersuisut ICC qanimut suleqatiginikuuaa, Issittumilu silap pissusaata allanngoriartornera pillugu ataatsimut nalunaaruteqarneranik inerneqarpoq, issittumi innuttaasut ineriartornissamut pisinnaatitaaffiinik silallu pissusaata allanngoriartornerani issittup innuttaasuinut unammilligassanik immikkuullarissunik ersarissaasumik.

Nunat inoqqaavi nunarsuup ilaanni issittumiinnaanngitsoq suleqatigiipput aamma nunarsuarmut atatillugu Nunat Inoqqaavisa Oqaasissaqarfiinut FN-ip Ataavartumik Oqallittarfia, 2002-mili piulersoq, kiisalu Nunat Inoqqaavisa Pisinnaatitaaffiinut Nalunaarut, 2007-imi FN-imi akuerineqartoq, aqqutigalugit ilaatigut nalunaaruteqarsimallutik.

Oqalliffik pisunik arlalinnik oqallinnernik katersuuffiusunik pilersitseqataasimavoq – soorlu silap pissusaata allanngoriartorneri – nunarsuarmi nunap inoqqaavinut tunngasut. Nalunaarutip oqallisigineqartoq una tapersersorpaa kiisalu nunat tamalaat oqallittarfiini, matumani sila pillugu nunat tamalaat isumaqatigiissutaanni, nunat inoqqaavisa nipaanik nukittorsaaqataalluni.

Oqallinnermut peqataagit

#climategreenland