Nunani issittuni teknologi

Issittumi teknikkikkut Ilinniarfik – ARTEK – tassaavoq ilinniarfik ilisimatusarfillu Sisimiuniittoq, Danmarks Tekniske Universitetip (DTU) ataani inissisimasoq. Ilinniarfik 2000-imili pilersinneqarpoq, 2001-imiillu issittumi ingeniørinik ilinniartitsisarsimalluni. Ilinniartitsinerup saniatigut issittumi teknologiimik ineriartortitsineq ilisimatusarfigineqarpoq, aammalu nunap iluani nunanilu tamalaani suleqatigiinnerit arlallit akuuffigineqarput.

Ilisimatusarnermi teknologiip nutaap nunanut issittunut naleqqussarneqarsimasup ineriartortinnissaa aallunneqarpoq. Pingaartumik  sanaartornermi teknikki, nunap sanaartukkatigut aaqqissuunneqarnera taassumalu inuiaqatigiinnut sunniutaa, nukissiorneq aammalu avatangiisit aatsitassallu  pingaarnertut sammineqarput.

ARTEK-imi suliniutit ilaat ukuupput:

  • Silap allanngorartup sanaartukkanut qanoq sunniuttarnera paasiniarlugu, teknologinillu nutaanik ineriartortitsinissaq nunatsinni inissiat pitsaasuunissaannik illullu iluisa silaannarissuunissaannik anguniagaqarnermi atorneqarsinnaasunik.
  •  Seqinermit, anorimit imermillu nukissiorsinnaanissamik atorluaanissaq taamaalillunilu gassinik aniatitsinermik annikillisaasoqarsinnaalluni uuliamillu tikisittakkamik isumalluuteqarpallaarunnaarnissaq anguniarlugu.
  • Nunani issittuni qeqertani najugallit imermik pilersorneqarsinnaanissaat qularnaarlugu.
  • Nunami qeriuaannartumi toqqaviliorsinnaanermik ineriartortitsinissaq silap allanngoriartorneranut sanaartukkat isumannaarumallugit.
  • Silaannarmut gassimik aniatitsineq annikillisarniarlugu atortussianik atoqqiineq assersuutigalugu bioenergi-mut aammalu sanaartornermut atortut.

Namminersorlutik Oqartussat Nukissiuutinut Ataavartunut Silallu Pissusianut aningaasaliissutit aqqutigalugit ARTEK-ip suliniutaanut amerlasuunut tapersiisimapput. ARTEK-ip suliai aammalu issittumi ingeniøritut ilinniarneq annertunerusumik atuarsinnaavatit, uani.

Taakku saniatigut DTU-p, Nunani Issittuni Suliaqarfiup ataani nunani issittuni teknologiimik suliaqarnera pillugu paasissutissanik annertunerusunik pissarsisinnaavutit, uani.

Oqallinnermut peqataagit

#climategreenland