Kalaallit Nunaanni aniatitsineq

2014-mi Kalaallit Nunaanni aniatitat 520.874 tonsiupput.
Aniatitat pingaartumik kiassarnermut, assartuussinermut pilersuinermullu atasuupput. Pingaartumik aatsitassarsiornermi misissuinernut atatillugu aniatitat ukiuni kingullerni annertusisimapput, ullumikkullu aniatitat tamarmiusut tallimararterutaannik annertussuseqarlutik. Suliffissuaqarnerup nutaap Kalaallit Nunaanni CO2-mik aniatitsinerup sunniutigisinnaasaatut naatsorsuutigineqarsinnaaneranik tamanna takutitsivoq.


Uannga: Kalaallit Nunaata Naatsorsueqqissaartarfia (februar 2017)

Nukissiuutinit atuineq nuna tamakkerlugu aalajangersimasunut immikkoortiterneri malillugit suliaq:


Uannga: Kalaallit Nunaata Naatsorsueqqissaartarfia (december 2016), Kalaallit Nunaanni nukissiuutinit atuineq 2015.

Silaannakkut assartuussinermi aniatitat tassaapput angallannermi aniatitani pingaarnerit ilaat, 2011-milu angallannermi aniatitanit tamarmiusunit silaannakkut assartuussinerit 55 %-iupput. Umiarsuakkut assartuussineq tassunga sanilliullugu 23 %-iuvoq. Angerlarsimaffinnit taamatullu nukissiamik imermillu pilersuinermit aniatitat pillugit nittartakkap quppernerani Kalaallinut Pissusiviusut ataani annertunerusumik atuagaqarsinnaavutit.

Kalaallit Nunaat nunanut allanut assersuullugu

Kalaallit Nunaat inoqassusia eqqarsaatigalugu mikivoq, nunarpassuarnullu sanilliutissagutsigu aniatitsinera annikilluni. Kalaallit Nunaata aniatittagai nunanut allanut sanilliullugit qanoq innersut uani takusinnaavat:

 

Nuna

Aniatitat katillugit

2013 (mio. ton CO2ækv.)

Inuup ataatsip aniatitai

2013 (ton CO2ækv.)

Kalaallit Nunaat

0,6

10,1

Danmark

38,1

6,8

Norge

59,6

11,7

Polen

302

7,9

Australien

378

16,3

USA

5.186

16,4

Kina

10.249

7,6

Nunarsuaq

35849

5,0

Uannga: The World Bank (februar 2017)

Annikillisitsiniarluni suliniutit
Kalaallit Nunaat assigiinngitsunik annikillisitsiniarluni suliniuteqarpoq, inuiaqatigiinni kommuninilu. Annikillisitsiniarluni suliniutit paasisaqarfiginerorusukkukkit atuarsinnaavatit uani.

Oqallinnermut peqataagit

#climategreenland