Siku kissaruluppoq
Saqqummersitsineq 2009-mi septembarip 5..-ani ammarneqarluni 2010-mi marsip aallaqqaataata tungaanut ammasussaavoq, Nordatlantens Bryggemi inini quleriinni siullermi inissisimassalluni.
Nunarsuarmi silap pissusaa allanngorpoq. Tupaallannartumik sukkassuseqartumik kissakkiartorpoq, allannguutillu taakku ilarparujussui gassit silaannarmik kissatsitsisartut, soorlu CO2 methanilu pissutigalugit inuup piliarigai atituumik isumaqatigiissutaavoq. Issittumi allannguutit takussaanerpaapput, aammalu Issittumi atatsimut isigalugu kissakkiartuaarnermut sermit aakkiartornerulerneri, imma sikuata annikillinera aamma qeriuaannartup aakkiartornera takussutissiisuupput. Sulili kissakkiartornerulissaaq.
Issittumi pinngortitaq imaannaanngilaq, takorannerluni asseqanngitsuullunilu, peqatigisaanilli annertuumik mianernartuulluni. Nunarsuup ilaani tassani ukiuni tusintilikkaani uumasoqatigiit naleqqussarsimapput. Uumasut soorlu nannut, natsiit aamma arfiviit immikkut naleqqussarsimasuutut issittup imartaanni nassaassaapput.
Ajornartorsiut taanna maannakkut atuulluinnartoq saqqummersitsinermi taaneqartumi SIKU KISSARULUPPOQ sammineqarpoq aammalu uumasut sorliit sunnersimaneqarnersut tamannalu qanoq pinersoq takutsitsilluni. Paasissutissat annertunerusut.