COP15
Kalaallit Nunaat COP15'imi
Københavnimi silap pissusaa pillugu ataatsimeersuarneq COP15 sioqqullugu, ingerlanerani aamma tamatuma kingorna nunarsuarmi avatitsinniittut Kalaallit Nunaata silap pissusaata allanngoriartorneranut atatillugu immikkut inissisimaneranik ilisimaarinninnerulernissaat siunertaralugu suliniutit arlallit Namminersorlutik Oqartussanit ingerlanneqarput.
Saqqummersitsineq. Namminersornerullutik Oqartussat suliniutaasa pingaarnersaraat Nordatlantens Brygge’mi decembarip 11-annit 20-annut saqqummersitsinissaq In the Eye of Climate Change. Kalaallit Nunaanni suliffeqarfiit, kattuffiit oqartussaasullu takutinniassavaat klimami allanngornerit kalaallit qanoq iliuuseqarfiginiarneraat.
Nittartakkat. Kalalaallit Nunaata klimamik isummeqataanerani nittartakkerivik qitiuvoq. Tassani katersugaapput klimap allanngornerinik kingunissaannillu kalaallit tungaannit paasissutissiat, klimamik misissuinerit Kalaallit Nunaani ingerlanneqartut, Nunarsuarmilu klimamik oqallinnermi kalaallit isummiutaat.
Nittartakkerivik klimalerinermut tamarmut aallaqqaataasumik paasiffiusinnaavoq, soqutiginnittullu nittagassiarpassuarnut tamarmik immikkut amerlanerujussuarnik imalinnut innersuussilluni.
Pisut pingaartut maluginngitsoornerlu ajornartut. Kalaallit Nunaata malunnartumik eqqartoneqanngitsoorsinnaanngitsup ataatsimeersuarnermut saqqummersitsinermullu ilanngutissavai.
Nutaarsiassiissutit. Nittartakkami takusassaajuassapput Namminersorlutik Oqartussat suliarititaat allallu Kalaallit Nunaannut tunngalluinnartut atassuteqartulluunniit.
